रामधुनी । स्ट्यान्डर्ड स्कुलको २९ औँ बार्षिक उत्सव तथा अभिभावक दिवस विभिन्न साँस्कृतिक कार्यक्रमबिच सम्पन्न सम्पन्न भएको छ । एनप्याब्सन केन्द्रीय उपाध्यक्ष जय बहादुर श्रेष्ठको प्रमुख आतिथ्यतामा र्काक्रम सम्पन्न भएको हो ।
श्रेष्ठले लकडाउनको विषम परिस्थितिमा पनि राष्ट्रिय स्तरको विविध संस्कृति झल्काउने साङ्गीतिक कार्यक्रम गर्न सक्नु विद्यालयको अनुपम शैक्षिक भएको बताए ।
बिशिष्ठ अतिथिः एनप्याब्सन सुनसरी जिल्ला अध्यक्ष नारायण कुमार सञ्जेलले बोडिङ स्कुलका चुनौती तथा अभिभावकको भूमिका बारे प्रष्ट पारे । यसैगरी वडा नं. १७ वडा अध्यक्ष प्रभात आचार्यले वडा बाल सञ्जालमा बिद्यालयको प्रतिनिधित्व उल्लेख्य रहेको बताए ।
इलाका प्रहरी कार्यालय पकली प्रमुख, इनिस्पेक्टर, लोकेन्द्र रायाले कुलत, दुर्ब्यसनी बिरुद्ध नैतिक चेतनामूलक क्रियाकलापमा विद्यालयप्रति आफू सकारात्मक रहेको बताए ।
