बक्लौरी । रामधुनी नगरपालिका वडा नं ६ ले कृषकका लागि लक्षित गर्दै तीन दिने मकै धान खेती तालिम तथा बिउ वितरण कार्यक्रम सम्पन्न गरेको छ ।
बिहीबारबाट सुरु भएको उक्त कार्यक्रममा पूर्व वरिष्ठ बाली संरक्षक अधिकृत छवीलाल घिमिरे र नायक प्राविधिक सहायक दुर्गा सापकोटाले तालिमको सहजता प्रदान गरेका थिए ।
उक्त कार्यक्रममा वडा भित्रका ४० जना कृषकलाई बिउ वितरण गरिएको वडा नं ६ का वडा सचिव सागर ढकालले जानकारी दिए ।
सहभागी कृषकहरुले यस्ता तालिमको आयोजनाले कृषि कार्यमा सहजता पैदा हुने बताएका छन् ।
