रामधुनी। सुनसरीको रामधुनी नगपालिकामा लक्षित वर्गलाई आएको खोप पहुँचका आधारमा नगरपालिकाका जनप्रतिनिधि र कर्मचारीका आफन्त लगाएको पाइएको छ ।

स्वास्थ्य मन्त्रालयबाट नै जेष्ठ नगरिकलाई भनेर पठाइएको कोरोना भाइरस विरुद्धको भेरोशील खोप रामधुनी नगरपालिका स्वास्थ्यका कर्मचारीले लक्षित वर्गलाइ वितरण नगरी आफन्तलाइ वितरण गरेकाे पाइएको हो । नगरपालीकामा एक महिना अगाडि लगाइएको पहिलो चरणको खोप र एक साता पहिला लगाइएको दोश्रो चरणको खोपमा मनोमानी गर्दै प्राथमिकता मिचेर पहुँचका आधारमा कोभिड खोप लगाइएको पाइएकाे हाे ।

नेपाल सरकारले निर्धारण गरेको प्राथमिकतामा यो खोप ६२ वर्षदेखि ६५ वर्ष उमेर समुहका लागि छुट्याइएको थियो । तर,  रामधुनी नगरपालिकाको स्वास्थ्य साखाका कर्मचारी नगेन्द्र पौडेलको नेतृत्वमा रहका टोलिको मिलेमहतोमा ३२ बर्षको उमेर बढाइ ६२ बनाई जनप्रतिनिधि र कर्मचारीका आफन्त र नजिककाले यो खोप लगाएको पाइएको छ ।

नगरपालिकाले यसरी खोप प्रदान गर्न थालेपछि प्राथमीकतामा परेको समुहका कतिपय नागरिकले भने हाल सम्म खोप पाउन सकेका छैनन् । यसरी गैर समुहलाई खोप प्रदान गरेपछि स्थानीयले यस विषयमा सोधपुछ गर्दा स्वास्थ्य साखाका कर्मचारीले गरै जिम्वेवार जवाफ दिने गरेको भन्दै स्थानीयले आपोत्ती जनाएका छन् ।

‘चैतको पहिलो हप्ता मैले कोभिडशील खोप लगाएको थिएँ’, रामधुनी नगरपालिका १ नम्बर वडाका जेष्ठ नागरिक झनक कार्कीले भने, ‘त्यसको दुई हप्ता पछाडी दोस्रो खोप आउँछ भनेका थियो । तर, अहिलेसम्म पाएको छैन । सुन्दै छु २०/२१ वर्ष, ३५/३६ वर्षकाहरुले लगाए रे १ ’ निश्चित उमेर समुहका लागि आएको खोपका विषयमा चरम लापरिवाही हुँदा पनि नगरले केही नगरेकोमा आपत्ति जनाउँदै उनले नगरको बैठकमा यो विषयले प्रवेश पाउनुपर्ने बताए ।

त्यस्तै रामधुनीका युवा सत्यन्द्र न्यौपानेले भने, ‘त्यो खोप उमेर समुहलाई मात्रै नदिएर त्यसमा २१ वर्षदेखि ३६ वर्ष सम्मकालाई दिइएको छ । कसरी दिइएको हो न ति व्यक्ति सरकारले तोकिएको कुनै उमेर समुहमा पर्छन न ती फन्ट लाइनमा खट्ने नै हुन ।

स्वास्थ्य शाखाका कर्मचारीले कुन आधारमा खोप दिएकाे पैसामा किन बेच भएको हुन सक्ने नगरपालिकाका प्रमुख प्रसासकिय अधिकृतलाई भनेका छौँ । चार दिनको अल्टिमेटम दिएका छौँ ।’ चित नबुझदो जवाफ आएमा यसको भागेदार स्वास्थ्य साखा हुनुपर्ने उनले बताए ।

दुई दर्जनको हाराहारीमा नगरपालिका पुगेका युवाहरुले नगरले गरेको यो वेइमानीको चार दिन भित्र सत्यतथ्य बाहिर ल्याउन अल्टिमेटम दिएका छन् । साथै उनिहरुले नगर प्रमुखले अति आवश्यक भएकालाइ सिफारीस गरे पनि खोप नै नलगाइ र्फिता पठाएको आरोप समेत लगाएका छन् ।

यस विषयमा नगरपालिकाले गल्ति भएको स्वीकारेको छ । अचम्मको कुरा त के भने नगरपालिकासँग अहिलेसम्म नगरमा कतिले खोप लगाए भनेर एकिन तथ्याङ्क पनि छैन । नगरपालिकाका प्रमुख प्रशासकीय अधिकृत ओमकार प्रसाद न्यौपानेले नगरले राखेको तथ्याङ्क रुजु गर्ने र गल्ति भएको पाइए  कारबाही गर्ने बताए । कोरोना भाइरसको खोप लागउँदा हामीले विभिन्न युनिटबाट वितरण गरेका थियौ । त्यो खोप लगाउने क्रममा केहि कमिकमजोरीहरु भएका छन् । त्यसलाई हामी सच्याएर चार दिन भित्र  सार्वजनिक गछौँ ।’

नगरमा कतिले खोप लागाए तथ्याङ्क नै छैन 
नेपाल सरकारले देशैभरीका स्थानीय तहलाइ आवश्यक्ता अनुसार बिभिन्न चरणमा खोप पठाएको थियो । सोही अनुरुप सुनसरीको रामधुनी लगायतका सबै स्थानीय तहमा खोप आएको थियो ।

तर सुनसरीको सबै स्थानीय तहले खोप नदोहोरीने गरी वितरण गरी तथ्याङ्क संकलन गरे पनि रामधुनीमा हाल सम्म कति र कुन उमेर समुहले खोप लगाए कुनै तथ्याङ्क नै छैन । नेपाल सरकार स्वास्थ्य तथा जनसंख्या मन्त्रालय स्वास्थ्य सेवा बिभागले वितरण गर्न दिएको खोप कार्डमा समेत खोपको नाम, लगाएको मिती, कुन कुन मितीमा खोप लगाएको केही पनि तथ्याङ्क छैन ।

करिब १ महिनाको फरकमा लगाउनु पर्ने यो खोप कुन मितीमा लागाइएको हो र पुन कहिले लगाउनुपर्ने कुनै मिती नतोकी खोप वितरण गरिएको पाइएको हो । यसरी खोप वितरण गर्दा व्यक्तिको स्वास्थ्यमा कुनै प्रकारको असर परेमा कस्ले जिम्मा निले भन्ने बिषय यतिवेला चर्चामा आएको छ ।

1 COMMENT

प्रतिक्रिया छाड्नुहाेस्

Please enter your comment!
Please enter your name here