इटहरी । इटहरी उपमहानगरपालिकाका प्रमुख द्धारिकलाल चौधरीले आफनो कार्यकालभरिमा इटहरीका सवै मुलवाटोहरु कालोपत्रे गर्न नसके राजनीति वाटै शन्यास लिने घोषणा गरेका छन् ।

वडा नम्वर २ को वडा कार्यालय भवन उदघाटन गर्दै प्रमुख चौधरीले वहुवर्षे योजना अन्र्तगत धेरै योजना संचालनमा रहेको जानकारी दिए । केहि योजना निर्माण भइसकेका छन । उनका अनुसार चालु आर्थिक बर्षमा ६० वटा योजना टेण्डर भइसकेका छन । प्रमुख चौधरीले इटहरी उपमहानगरपालिकाले पूर्वाधार निर्माणमा फड्को मारेको दावी गरे ।

वडा कार्यालय उदघाटन कार्यक्रममा इटहरी उपमहानगरकी उपमेयर लक्ष्मी गौतमले यो कार्यकाल पूर्वाधार निर्माणमा कोशेढुगाँ सावित हुने वताइन् । उपमहानगरपालिकाले पूर्वाधार निर्माणलाई प्राथमिकता दिएको जानकारी दिइन् । उपमेयर गौतमले वडा कार्यालय भवनहरुको निर्माण, प्रत्येक वडामा आधारभूत स्वास्थ्य इकाई भवन निर्माण, वहुबर्षे योजना अन्र्तगत गाँउ गाँउका मूलवाटोहरु कालोपत्रे भएको वताएकी छिन् ।

वडा नम्वर २ को भवन यो कार्यकालमा निर्माण भएको पहिलो वडा कार्यालय भवन हो । सव इन्जिनियर खेम कुमार श्रेष्ठका अनुसार दुईतले वडा कार्यालय भवन १ करोड १७ लाख ६० हजारको लागतमा वनेको हो ।

प्रतिक्रिया छाड्नुहाेस्

Please enter your comment!
Please enter your name here