हरिनगर । सुनसरीको हरिनगर गाउँपालिका–१ स्थित भुटाहामा रहेको कोभिड १९ आइसोलेसन कक्षमा दाताहरुले सहयोग जुटाएका छन् ।

जेनरल हस्पिटलमा रहेको आइसोलेशन केन्द्रलाई ५ बेड र ४० लिटरका ४ वटा अक्सिजन सिलिन्डर हस्तान्तरण भएको छ । हेस्रा नेपाल संस्थाले मंगलबार हरिनगर गाउँपालिकाका अध्यक्ष गफार अन्सारीलाई स्वास्थ्य सामग्री हस्तान्तरण गरेको हो ।

यसैगरी आइसोलेशन सेन्टरलाई एसजी अर्गनाइजेशन प्रा.लि.ले पनि अक्सिजन सहित स्वास्थ्य सामग्री हस्तान्तरण गरेको संचारकर्मी नसीम अंसारीले जानकारी दिए ।

भुटाहा जेनेरल हस्पिटलमा सुनसरीको चार गाउँपालिकाको संयुक्त रुपमा आइसोलेशन सेन्टर संचालन रहेको छ । आइसोलेशन सेन्टरमा हरिनगर, भोक्राहा नरसिंह, देवानगंज र बर्जु गाउँपालिकाको साझेदारी रहेको हरिनगर गाउँपालिकाका अध्यक्ष गफार अन्सारीले बताए ।

हरिनगर गाँउपालिकाले कोरोना नियन्त्रणमा सुनसरीका अन्य स्थानीय तहभन्दा उत्कृष्ट काम गरेको अन्सारीले दावी गरेका छन् । उनका अनुसार नाकाको छेउमा रहेका स्थानीय तहमा पनि महामारी नियन्त्रीत छ ।

आइसोलेसन केन्द्रमा सबैं प्रकारका सेवा दिइरहेको उनले बताए । अंसारीले नागरिकको जीवन रक्षाका लागि अहोरात्र खटेको उल्लेख गरे ।

1 COMMENT

प्रतिक्रिया छाड्नुहाेस्

Please enter your comment!
Please enter your name here