file photo

काठमाडौं । अब फिल्डमै गएर घर जग्गाको नक्सा हेर्नुपर्ने झन्झट हटेको छ । प्रधानमन्त्री केपी शर्मा ओलीले घरजग्गा अनलाइन सेवा ’मेरो कित्ता’ सेवाको शुभारम्भ गरेसंगै यो समस्या हटेको हो ।

विहीबार मीनभवनस्थित नापी विभागमा प्रधानमन्त्रीले सेवाको शुभारम्भ गरेका हुन् । यससँगै अब घरमै बसीबसी इन्टरनेटबाटै घर अथवा जग्गाको नक्सा हेर्न र प्रिन्ट गर्न सकिने भएको छ ।

यो अनलाइन सेवा सुरु भएपछि जग्गाको नक्सा प्रिन्ट गर्न र त्यसबापत शुल्क बुझाउन मालपोत कार्यालय धाइरहनुपर्ने छैन । नापी विभागले ‘मेरो कित्ता डट जिओभी डट एनपी’ सफ्टवयर विकास गरिसकेको पनि जनाएको छ ।

घरजग्गा अनलाइनसम्बन्धी सम्पूर्ण सेवाहरू यसैबाट लिन सकिने पनि विभागले जनाएको छ । यो सेवा सेवा पहिलो चरणमा काठमाडौं उपत्यकाका डिल्लीबजार, कलंकी र भक्तपुरको कार्यालयमा लागू हुनेछ ।

प्रतिक्रिया छाड्नुहाेस्

Please enter your comment!
Please enter your name here