विराटनगर । विराट गोल्डकपको सेमिफाइनलमा नेपाली पुलिस क्लबलाई हराउँदै सशस्त्र प्रहरी बलको एपिएफ प्रवेश गरेको छ । विराटनगरस्थित सहिद रंगशालामा जारी छैटौँ संस्करणको विराट गोल्ड कपको सोमबार भएको तेस्रो क्वार्टरफाइनल खेलमा नेपाली पुलिस क्लबलाई २–० गोलले हराउँदै एपिएफ सेमिफाइनलमा प्रवेश गरेको हो ।

पहिलो हाफ गोलरहित बराबरीमा सकिएको उक्त खेलको ४६औँ मिनेटमा मणि लामाले ले गोल गरेका थिए । रिबन्ड आको बलमा पेनाल्टी बक्सभित्रैबाट उनी गोल गर्न सफल भए।यस्तै खेलको इन्ज्युरी समयमा आशीष लामाले गोल गरेपछि एपिएफले २–० गोलको जित निकालेको हो । जितसँगै एपिएफ सेमिफाइनल पुग्ने तेस्रो टोली बनेको छ ।

यसअघि शनिबार भारतको युनाइटेड फुटबल क्बल वेस्ट बङ्गाललाई ३–० ले हराउँदै विराटनगर ११ सेमिफाइनलमा प्रवेश गरिसकेको छ । यस्तै आइतबार ए डिभिजन लिग विजेता मछिन्द्र क्लबलाई २–० गोलले हराउँदै पञ्जाब पुलिसले अन्तिम आठमा स्थान बनाइसकेको छ ।

 

प्रतिक्रिया छाड्नुहाेस्

Please enter your comment!
Please enter your name here