ईटहरी । ईटहरी उपमहानगरपालिका १४ जानकी टोलको हनुमान मन्दिरलाई किसान कल्याण सहकारीले सनिबार २५ थान कुर्सी बितरण गरेको छ ।

सहकारी मापदण्डलाई अक्षरस पालना गर्दै विभिन्न बचत र ऋणको उत्पादन गरि सदस्यहरुको सामाजिक, आर्थिक र सांस्कृतिक समृद्धिमा अघि बढेको संस्थाले समुदाय प्रती सुख दुखमा साथै रहने संस्थाका अध्यक्ष शालिकराम ढ्कालले प्रतिबद्धता जनाएका छन् ।

मानव जीवनको आर्थिक सुधारको बाटो बचत हो भने बचतले आपतकालीन अप्ठ्यारो टार्ने अध्यक्ष ढकालले बताए ।

आर्थिक, सामाजिक, नैतिक, भौतिक जस्ता अन्य बितिय गैरबितिय कारोबार गर्दै हरेक समयमा किसान कल्याण सहकारीले साथ दिएर ईटहरी १४को सरदार समुदायको हनुमान मन्दिरलाई गरेको सहयोगले संस्था र सदस्य बीचको सम्बन्ध जीवन्त बनाउन पुलको काम भएको हनुमान मन्दिर समितिकि अध्यक्ष उर्मिला सरदारले बताईन ।

सेयर सदस्यहरुलाई हरतरहले उद्यमी बनाई आय आर्जनमा जोडिएर आत्म निर्भर बनाउने संस्थाको कर्तव्य रहेको संस्थाका बजार प्रबन्धक बिभागिय प्रमुख रमेश खतिवडाले बताए ।

प्रतिक्रिया छाड्नुहाेस्

Please enter your comment!
Please enter your name here