रामधुनी । नायिका बर्षा शिवाकोटी र नव नायक रमेश बाँनियाले अभिनय गरेको चलचित्र ‘ए साथी सुन’को सुटिङ्ग सम्पन्न भएको छ । सिनेमाको सुटिङ्ग सुरु भएको १६ दिनमै सकिएको हो ।

छोटो समयमा राम्रो काम भएको निर्माण युनिटले जनाएको छ । सिनेमाको एउटा गीत बाहेक अन्य सबै छायांकन सकिएको निर्माण टिमले जनाएको छ ।

चलचित्रको सुटिङ्ग चैत्र ३ गतेदेखि हेटौडाबाट सुरु भएको थियो । सुरुमा कालीपुरुष नाम राखेर बिकास बोर्डमा दर्ता भएपनि यो सिनेमाको वर्किङ्ग टाईटललाई परिवर्तन गरेर ‘ए साथी सुन’ भनेर राखिएको हो ।

राघव आचार्यले निर्देशन गरेको चलचित्रमा बिना कार्कीले लगानी गरेकी छिन् । यस अघि निर्देशक राघव आचार्यले भारतमा केही वेव सिरिजहरुको निर्देशन गरेका थिए ।

नेपालमा ठुलो पर्दाको उनको काम नौलो नै हो । काम कस्तो भएको छ, त्यो भने सिनेमा रिलिज भएपछि नै थाहा हुनेछ । चलचित्र ‘ए साथी सुन’लाई इभाना इन्टरटेन्मेन्टको ब्यानरमा निर्माण गरिएको छ ।

सस्पेन्स थ्रिलर कथामा बनेको यो सिनेमालाई लिएर चलचित्रकी नायिका बर्षा शिवाकोटी पनि निकै उत्साहित देखिएकी छिन् । बर्षाको ‘परदेशी २’, ‘मनसँग मन’, ‘लक्का जवान’ लगायत चलचित्रहरु पनि प्रर्दशनको लागि रेडी भएर बसेका छन् ।

यो सिनेमा ‘ए साथी सुन’ चाही कहिले प्रर्दशनमा आँउला त्यो भने अहिले निश्चित छैन् । अब स्थिती सामान्य भएपछि मात्रै सिनेमा रिलिज गरिने भनेर निर्माण टिमले जानकारी गराएको छ ।

प्रतिक्रिया छाड्नुहाेस्

Please enter your comment!
Please enter your name here