काठमाडौं । अभिनेत्री नीता ढुंगानाको निर्देशन रहने ‘श्रीमदभगवत गीता’ घोषणा गर्दै संगीतीक टिम सार्वजनिक गरिएको छ ।

शुक्रबार काठमाडौंमा एक कार्यक्रमको आयोजना गर्दै नीताले संगीतिक टिमसंग सम्झौता गरेकी हुन् । नीता फिल्मस्को ब्यानरमा दोश्रो प्रस्तुतिको रुपमा ‘श्रीमदभगवत गीता’ शितल गिरीको शब्द, पुष्पन प्रधानको संगीत र स्वर रहनेछ ।

नेपालमा पहिलो पटक निर्माण गरिने ‘श्रीमदभगवत गीता’ सिरिजमा महाभारतको कृष्ण र अर्जुनको पार्ट मात्र समाबेश हुने नीताले बताइन् । गीतामा रहेका ७०० श्लोकबाट ‘श्रीमद्भगवद् गीता’ सिरिज ४५ भाग हुनेछ ।

‘श्रीमदभगवत गीता’ कोरियोग्राफर रामजी लामिछानेले गर्नेछन् । सञ्जय लामाले छायाँकन गर्ने वेभ सिरिजलाई वनिश शाहले सम्पादन गर्नेछन् । गायक तथा संगीतकार पुष्पन प्रधानले गीताको शारमा संगीत सृजना गर्ने बताए ।

प्रतिक्रिया छाड्नुहाेस्

Please enter your comment!
Please enter your name here