इटहरी । इलाका प्रहरी कार्यालय इटहरीले विभिन्न अपराधिक घटनामा संलग्नहरुलाई पक्राउ गरि बुधबार सार्वजनिक गरेको छ ।

कर्तव्य ज्यानमा पक्राउ परेकाहरु इटहरीका जिवनाथ रेग्मी, सुभाष चौधरी र विजय भनिने मदन थापालाई इलाका प्रूहरी कार्यालय इटहरीले बुधबार पत्रकार सम्मेलन गर्दै सार्वजनिक गरेको हो।

प्रमुख प्रहरी नायब उपरीक्षक (डिएसपी) अर्जुन केसिका अनुसार गत चैत्र १६ गते इटहरी २ वेलगाछिमा भाला प्रहार गरि जीवनाथ रेग्मिले सोहि ठाउँका ५० वर्षीय केशव कार्कीको हत्या गरेका थिए।

कार्की र रेग्मिबीच मनमुटाव भएको र रिसइवी कै कारण सोमबार दिउँसो घरमा सुतिरहेको बेला रेग्मीले केशवलाई उनकै कोठामा भाला प्रहार गरेका थिए । घटना हुन अघि पनि उनले रातिको समयमा कार्कीको हत्याको प्रयास गरेको खुल्न आएको प्रमुख प्रहरीनायब उपरीक्षक केसिले जानकारी दिए।

त्यस्तै गत वर्ष २०७५ साउन ९ गते राति कृष्ण ढकाललाई कुटपिट गरि हत्या गरेर फरार भएका सुभाष चौधरी र विजय भनिने मदन थापालाई पनि सार्वजनिक गरिएको छ ।

अभियुक्तहरू भारतमा लुकेर बसेको प्रहरी अनुसन्धान अन्तिम क्रममा पुग्ने बेला आफै आएर आत्मसमर्पण गरेको प्रहरीले जनाएको छ । पक्राउ परेकाहरु उपर सुनसरी जिल्ला अदालतबाट म्याद थप गरि अनुसन्धान गरिरहेको प्रहरी नायव उपरीक्षक केसीले जानकारी दिए ।

प्रतिक्रिया छाड्नुहाेस्

Please enter your comment!
Please enter your name here