रामधुनी । चर्चित निर्देशक दिपेन्द्र के खनालको सिनेमा ‘चिसो मान्छे’को छायांकन सम्पन्न भएको छ । २७ दिन लगाएर सिनेमाको छायांकन सम्पन्न भएको हो । सिनेमाको छायांकन बाजुरामा गरिएको हो ।
काठमाडाैंबाट सिनेमा छायांकन सुरु गरेको निर्माण युनिट बाजुरा सम्म पुगेको थियो । काठमाडौंमा ४ दिन छायांकन गरिएको थियो । सिनेमा फ्लोरमा जानुभन्दा पहिला नै सिनेमाको लागि वर्कसप र अन्य प्रारम्भिक तयारी गरिएको हुनाले सिनेमा निर्धारित समय भन्दा पहिले नै सकिएको छ ।
सिनेमाको थिम र मर्मलाई थप बुष्ट गर्न यो सिनेमालाई घाममा खिचिएको छैन् । चलचित्र ‘चिसो मान्छे’मा मुख्य भुमिकामा नायिका स्वस्तिमा खड्का, अर्पण थापा, देशभकत खनाल, अशान्त शर्मा, झकेन बिसी लगायत छन् । यो सिनेमालाई आगामी भदौंको ११ गते रिलिज गर्ने तयारी गरिएको छ । सिनेमाको यतिबेला एडिटिङ्गको काम भईरहेको छ ।
चलचित्र ‘चिसो मान्छे’लाई निर्देशक दिपेन्दै के खनाल आफैले लेखेका हुन् भने सिनेमालाई उनी आफैले खिचेका पनि छन् । क्यामेरा आफैले चलाउदाँ एडिटिङ्गमा अझै इजी हुने दिपेन्द्रको भनाई छ । मानिसहरुको मनमस्तिष्कलाई नै छुने सिनेमा बनाउने दिपेन्द्रका ‘आमा’, ‘पशुपति प्रसाद’ लगायतका चलचित्रहरु निकै सफल छन् ।
चलचित्र ‘चिसो मान्छे’लाई शर्मिला पाण्डेले निर्माण गरेकी हुन् । चलचित्र ‘चिसो मान्छे’मा समाजमा रहेका चिसो मन्छेहरुको कथा प्रस्तुत गरिएको छ । सिनेमाको लागि नै भनेर नायिका स्वस्तिमा खड्काले बाजुरामा बोलिने खस भाषाको समेत तालिम लिएकी थिईन् । यो सिनेमामा स्वस्तिमा बजुराकी एक बिवाहित महिलाको भुमिकामा देख पर्दैछिन् ।
यो सिनेमामा बिशेषत लकडाउनको समयमा मलेशियाबाट आएको लास काठमाण्डौं देखि बाजुरा पुर्याउदाँसम्मको कथालाई देख्न पाईनेछ । सिनेमाले दर्शकको मन छुने कुरामा निर्माण टिम निकै आशावादी देखिएको छ । यो सिनेमामा सुभास भुषालको संगीत रहेको छ ।
