इटहरी । इटहरीमा बन्द भएका निजी कलेजहरु आज(मंगलबार) देखि सञ्चालनमा आएका छन् ।
सोमबार साँझ उच्च शिक्षालय तथा माध्यमिक विद्यालय संघ नेपाल(हिसान) सुनसरीले एक विज्ञप्ती जारी गर्दै मंगलबारबाट कलेज सूचारु हुने जानकारी गराएको हो ।
पठनपाठन सूचारु गर्न साथै शान्ति सुरक्षा कायम गर्न स्थानीय प्रशासन र सुरक्षा निकायलाई अपिल समेत गरिएको विज्ञप्तीमा उल्लेख गरिएको छ ।
इटहरीको विश्व आदर्श, कस्तुरी, कोशी र शुष्मा कलेजले पत्रकार सम्मेलन गरी शिक्षक र कर्मचारीमा मनोवैज्ञानिक त्रास बढेको भन्दै अनिश्चितकालका लागि कलेज बन्द गर्ने घोषणा गरेका थिए ।
