काठमाडौं । नेपाली कांग्रेसका पूर्वसभापति तथा पूर्वप्रधानमन्त्री गिरिजाप्रसाद कोइरालाको स्मृति दिवस आज मनाइँदैछ ।
कांग्रेसले दिउँसो चितवनमा एक कार्यक्रमको आयोजना गरेको कांग्रेसका सभापति शेरबहादुर देउवाका सहयोगी भानु देउवाले जानकारी दिए । कोइरालाको २०६६ साल चैत ७ गते निधन भएको थियो ।
गणतन्त्र नेपालको पहिलो प्रधानमन्त्री कोइरालाको नेतृत्वमा तत्कालीन विद्रोही समूह नेकपा माओवादीलाई मुलधारको राजनीतिमा ल्याउँदै राष्ट्रिय राजनीतिको कोशेढुंगाका रुपमा रहेको बिस्तृत शान्ति सम्झौता भएको थियो ।
नेपाली राजनीतिमा कोइरालाको योगदानलाई अतुलनीय रहेको भन्दै स्मरण गर्ने गरिन्छ ।
