पौने ४ बज्दा पनि सुरु भएन प्रदेश सभा बैठक

इटहरी । प्रदेश १ को प्रदेशसभा बैठक साँझ पौने ४ बजेसम्म पनि बस्न सकेको छैन् ।

यही माघ ७ गते केही मिनेट बसेर स्थगित भएको बैठक आज दिउँसो २ बजेका लागि आह्वान गरिएको बैठक बस्न नसकेको हो ।

प्रदेश १ प्रदेशसभाको बैठकको कार्यसूचीको विषयमा सहमति जुटाउन बसेको कार्यव्यवस्था परामर्श समितिको बैठक बिना निष्कर्ष टुंगिएको छ ।

सरकारका तर्फबाट आन्तरिक मामिला तथा कानूनमन्त्री हिक्मतकुमार कार्कीले कार्यव्यवस्था परामर्श समितिको बैठकमा एक दिन समय माग गरेका थिए ।

सरकार इतर पक्षले बैठक सुचारु गर्नुपर्ने अडान राखेसँगै बैठक बस्ने तयारी गरिएको संसद सचिवालय स्रोतले जनाएको छ ।

प्रदेशसभा बैठक बसाउन सरकारको तर्फबाट पहल नभएको मात्रै होइन सरकार पुरै उदासिन देखिएको विपक्षी दलका नेताहरुको आरोप छ ।

आजको बैठकमा नेकपाको प्रचण्ड नेपाल समूहका सांसदहरुले मुख्यमन्त्री शेरधन राईविरुद्ध अविश्वासको प्रस्ताव टेबल गर्ने तयारी गरेका थिए ।

By फलैचा न्यूज

फलैचा न्युज डटकम सुनसरीकाे रामधुनी नगरपालिका बाट संचालित अनलाइन पत्रिका हाे ।

Leave a Reply

Your email address will not be published. Required fields are marked *

Related Posts

No widgets found. Go to Widget page and add the widget in Offcanvas Sidebar Widget Area.