इटहरी । गाँजासहित प्रहरीले दुईजनालाई पक्राउ गरेको छ । पक्राउ पर्नेमा धनकुटा शहीदभूमी गाउँपालिका पोखरीटोलका २७ वर्षीय नगेन्द्र राई र २९ वर्षीय गजेन्द्र राई रहेका छन् ।
बिहिबार इलाका प्रहरी कार्यालय इटहरीले पत्रकार सम्मेलन गर्दै उनिहरुको नाम सार्वजनिक गरेको हो । उनिहरुलाई इटहरी ५ कलंकीबाट गाँजासहित पक्राउ गरिएको ईलाका प्रहरी कार्यालय इटहरीका डीएसपी अर्जुन केसीले पत्रकार सम्मेलनमा जानकरी दिए ।
विशेष सूचनाका आधारमा पक्राउ परेका उनिहरुको साथबाट चार किलो गाँजा बरामद गरिएको केसीले बताए । उनिहरुलाई गत माघ ७ गते पक्राउ गरी अनुसन्धानमा राखिएको थियो ।
‘लागूऔषध कारोबारी गर्नेहरु इटहरी हुँदै ओसार पसार गर्ने भएकाले हामीले अनुगमन गरिरहेका छौँ,’ उनले भने, ‘हामीले पछिल्लो समय लागूऔषध दुव्र्यसनी न्यूनीकरणका लागि विभिन्न अभ्यास समेत गरिरहेका छौँ ।’
