मोरङ । नेकपा प्रचण्ड–माधव समूहका नेता सुरेन्द्र पाण्डेले प्रधानमन्त्री केपि शर्मा ओलिले लोकतन्त्र माथि पुन प्रहार गरेको आरोप लगाएका छन् ।
शनिबार मोरङको बेलबारीमा अखिल नेपाल महिला संघ मोरङले आयोजना गरेको कार्यक्रममा बोल्दै पाण्डेले संसद बिगठन गरेर लोकतन्त्रलाईनै धरापमा पार्ने खोलमा ओली लागेको आरोप लगाएका हुन् ।
उनले धरापामा परेको लोकतन्त्रलाई थाम्नका लागि पुन एकजुट हुन समेत सवैलाई आग्रह गरेका छन् । हिजो हत्यारा भनेर जिम्मेवारी बिहिन बनाएकालाई प्रधानमन्त्री केपी शर्मा ओलीले केन्द्रिय सदस्यको जिम्मेवारी दिदै चोख्याएको आरोप लगाए ।
संविधानले दिँदै नदिएको अधिकार प्रयोग गरेर संसद विघटन गरेको भन्दै उनले संसद पुनस्र्थापना हुने दाबी समेत गरेका छन् । प्रधानमन्त्रीेले अदालतमा पेश गरेको फाईल चोरी गरेको समेत उनको आरोप छ ।
ओलिको प्रबृतिले प्रतिक्रिर्या वादीहरु सलबलाउन थालेको र अब ओलिको ओरालो यात्रा तय भइसकेको दावी गरे । पार्टीको बहुमत सदस्य आफूहरुसँग भएकाले नेकपा र सूर्य चिन्ह आफूहरुसँगै रहने उनले जिकीर गरेका छन् ।
