विराटनगर । दाहाल नेपाल समूहले आइतबार प्रदेश १ का मुख्यमन्त्री विरुद्ध अविश्वासको प्रस्ताव ल्याउने तयारी सुरु गरेको छ । नेकपा २ भागमा विभाजन भएसंगै वाग्मती प्रदेशका मुख्यमन्त्री विरुद्ध अविश्वास प्रस्ताव पेश भइसकेको छ ।
मुख्यमन्त्री राई ओली समूहका हुन् । प्रदेश १ मा बहुमतको सरकार बन्न ४७ सांसद आवश्यक पर्छ । प्रदेश १ मा पूर्व एमालेका ५१ सांसद छन् । ५१ मध्ये नेपाल समूहका ३१ जना छन् । पूर्व माओवादीका १६ सांसद छन् ।
नेपाल समूहका सांसद एक ठाउँमा रहे सहजै सरकार गठन हुने देखिन्छ । प्रदेश सभामा नेपाली काँग्रेसका २१, समाजवादी पार्टीका ३, राप्रपा र सङ्घीय लोकतान्त्रिक राष्ट्रिय मञ्चका १–१ सांसद छन् ।
मुख्यमन्त्रीले हटाए अर्थमन्त्रीलाई
मुख्यमन्त्री शेरधन राईले आर्थिक मामिला तथा योजनामन्त्री इन्द्रहाङ आङ्वोलाई बर्खास्त गरेका छन् । आफू विरुद्ध अविश्वासको प्रस्ताव ल्याउन सरकारकै जिम्मेवार मन्त्री सक्रिय भएको आरोप लगाउँदै मुख्यमन्त्री राईले उनलाई बर्खास्त गरेको बताइएको छ ।
संविधानको धारा १६९ को ९२० ९ख० बमोजिम मन्त्री आङ्बोलाई मुख्यमन्त्रीले पदमुक्त गरेको मन्त्रीलाई दिएको पत्रमा उल्लेख छ । मुख्यमन्त्री राईविरुद्ध अविश्वासको प्रस्ताव ल्याउन मन्त्री आङ्वो आफै लागेको थाहा पाएका मुख्यमन्त्री राईले शनिवार साँझ उनलाई पदमुक्त गरेका हुन् ।
