पाथीभरा क्षेत्रको डढेलोः तीर्थयात्रीलाई मन्दीर क्षेत्रमा नजान अनुरोध

ताप्लेजुङ । जिल्लामा रहेको तिर्थस्थल पाथीभरा क्षेत्रको जंगलमा भिषण डढेलो लागेको छ । फुङलिङ् नगरपालिका– ११ मा पर्ने सिम्बु सामुदायिक वनमा तीन दिनदेखि डढेलो लागिरहेको स्थानीयले बताएका छन् । स्थानीयका अनुसार डढेलो निकै ठूलो भएकाले नियन्त्रणमा लिन सक्ने अवस्था छैन ।

बिहीबार बेलुकादेखि नै आगो लाग्न थाले पनि स्थानीयले हिजो मात्रै थाहा पाएर प्रहरीलाई खबर गरेका थिए । डढेलो बाहिर हुँदै मन्दिर आसपास पुग्न लागेको छ । यसले मन्दिर क्षेत्र नै जोखिममा पारेको पाथीभरा मन्दिरका कर्मचारी राजेन्द्र महतले जानकारी दिए ।

त्यहाँ पाथीभरा जाने तीर्थयात्रीलाई भने पाथीभरा क्षेत्रमा आगोलागि हुन्जेल नजान समेत अनुरोध गरिएको छ । आगो मन्दिर नजिक पुगेकोले मन्दिर क्षेत्र जोखिममा परेको छ । जिल्ला बिपद् व्यवस्थापन समितिका संयोजक एवम् प्रमुख जिल्ला अधिकारी झरेन्द्रप्रसाद चापागाँइका अनुसार आगो नियन्त्रणका लागि नेपाली सेना, नेपाल प्रहरी र सशस्त्र प्रहरीको टोली आगलागी भएको क्षेत्रमा गएको छ ।

नेपाली सेनाका गुल्मपति सेनानी निरजबिक्रम थापा मगर आफैं डढेलो लागेको क्षेत्रतर्फ गएका छन् । आगोले ठूलो फेदी बस्तीमा ल्याएको खानेपानीको पाइप डढेपछि पानी अवरुद्ध भएको छ ।

आगो नियन्त्रणमा नेपाली सेना, स–सस्त्र प्रहरी, जनपद प्रहरी सहितको ६५ जनाको टोली आगो नियन्त्रको लागि पाथीभरा क्षेत्रमा रहेको चापागाईले बताए । बाटोको चौडाइ दूरी धेरै नभएकोले आगोले फावाखोला पछि फुरुम्बुतर्फको जंगल समेत भेटिसकेको छ ।

यो पनि

पाथीभरा मन्दिर नजिकैको जंगलमा भीषण डढेलो

By फलैचा न्यूज

फलैचा न्युज डटकम सुनसरीकाे रामधुनी नगरपालिका बाट संचालित अनलाइन पत्रिका हाे ।

Leave a Reply

Your email address will not be published. Required fields are marked *

Related Posts

No widgets found. Go to Widget page and add the widget in Offcanvas Sidebar Widget Area.