इटहरी । इटहरीमा एक विपन्न परिवारलाई जाडोका लत्ताकपडा सहित सिरक डस्ना र खाद्यान्न सामाग्री वितरण गरिएको छ ।
मंगलबार इटहरी २ देउराली टोलकी राधा कुमारी भुजेलको परिवारलाई समुदाय प्रहरी साझेदारी कार्यक्रम अन्तर्गत नेपाल रेडक्रस सोसाइटी इटहरी उपशाखाको सहकार्यमा सो सामाग्री वितरण गरिएको हो ।
केहिदिन अघि इलका प्रहरी कार्यालय इटहरीका प्र.ना.उ. अर्जुन केसीले भुजेलको परिवारमा समस्या भएको खवर पाउना साथ सो परिवारको बारेमा बुझ्दा राधाका श्रीमान् नभएको र बच्चा समेत सुस्त मनस्थिती भएका एक जना आमाजु समेत उनै सँग रहेको बुझेपछी नेपाल रेडक्रस सोसाईटी इटहरी उपशाखाका सभापती विमल पौडेल सँग सल्लाह गरेर मंगलबार रेडक्रसको तर्फबाट २ थान सिरक डस्ना जाडोमा लगाउने कपडा वितरण गरिएको हो ।
सो कार्यक्रमा इलाका प्रहरी कार्यालय इटहरीका डिएसपी अर्जुन केसीले व्यक्तिगत खर्चमा २५ केजी चामल ५ लिटर तेल नुन २ किलो चप्पल लगायत वितरण गरिएको नेपाल रेडक्रस सोसाईटी इटहरी उपशाखाका सचिव संजिव ढुंगानाले जानकारी दिए ।
