रामधुनी । रामधुनी नगरपालिका वडा नं. ५ मा नव–निर्मित अस्थायी कोभिड अस्पताल उद्घाटन भएको छ ।
सोमबार एक कार्यक्रमका विच रामधुनी नगरपालिकाका प्रमुख जयप्रकाश चौधरी, नेपाल कम्युनिष्ट पार्टी (नेकपा) का नेता नन्दकुमार बस्नेत, वडाअध्यक्ष फुयाल, रुद्रबहादुर बस्नेत, मनेशकुमार चौधरी लयागतको उपस्थितिमा अस्पतालको उद्घाटन गरिएको हो ।
नगरपालिकाले कोरोना संक्रमणलाई मध्यनजर गर्दै ५ शैयाको कोभिड अस्पताल निर्माण गरेको नगर स्तरीय कोभिड रोकथाम तथा नियन्त्रण व्यवस्थापन समितिका संयोजक समेत रहेका वडा नं. ५ का वडाअध्यक्ष डेगराज फुयाँलले जानकारी दिए ।
अस्पतालका लागि एकजना एमविएस डा. समेत नियुक्त गरिसकिएको वडाअध्यक्ष फुयाँलले अस्पताल उद्घाटन समारोहमा जानकारी दिए । तत्काल अस्पताल ‘फिबर क्लिनिक’को रुपमा संचालन गरिने र भबिष्यमा ‘आइसीयू’सहितको सेवा दिने गरी विकास गरिने नगर प्रमुख चौधरीले जानकारी दिए ।नगरपालिकाको ३ लाख र वडा नं ५ कोे १० लाख गरी कुल १३ लाख लागतमा अस्पतालको भौतिक संरचना निर्माण गरिएको फुयाँलले जानकारी दिए ।
सुरुमा नेपालमा कोरोना फैलदा निकै डर भएको र कोरोना संक्रमित हिडेको सडकमा समेत हिड्न डर हुने गरेको र नगरमा संक्रमित हुँदा तत्काल उपचारको लागी लैजान एम्बुलेन्सलाई सम्पर्क गर्दा दुई दिन पछिको समय दिएको भन्दै अवका दिनमा चाँडै वडामा एम्बुलेन्स ल्याउने वडा अध्यक्ष फुयालले जानकरी दिए ।
एमबुलेन्स खरिद गर्नकालागी वडा अध्यक्ष सहित नौ जनाको समुहले कोरोनाको जोखिममा एम्बुलेन्स खरिद गर्ने उदेश्यले देउसी खेलेर ४ लाख संकलन गरेको उनले बताए । एम्बुलेन्स खरिदकालागी देउसी खेलेर संकलन गरेको ४ लाख टोलविकाश बाट संकलन गरिएको ८ लाख र वडाबाट १ लाख ५० हजार गरि १३ लाख ५० हजार संकलन भएको र एम्बुलेन्स खरिद प्रकृया आगडी बढाइएको अध्यक्षले बताए । 
