रामधुनी । उदयपुर, मोरङ र पाँचथरको तिन स्थानमा भएको सवारी दुर्घटनामा परी ३ जनाको ज्यान गएको छ ।
उदयपुरको चौदण्डीगढी नगरपालिका ६ मा पुर्बबाट पश्चिम तर्फ जादै गरेको मोटरसाईकल र पश्चिमबाट पुर्ब तर्फ आउदै मोटरसाईकल एक आपसमा ठोक्किदा हलेसी तुवाचुङ नगरपालिका खोटाङ घर भई उदयपुरको गाईघाटमा बस्ने २० बर्षीय भविन्द्र परियारको ज्यान गएको उदयपुर प्रहरीले जनाएको छ ।
यसैगरी बिराटनगर महानगरपालिका ४ ईकराहीमा खेत जोतिरहेको ट्याक्टर अचानक दुर्घटना भई पल्टदा सुनसरीको बर्जु गाउँपालिका ६ चिमडीका ५५ बर्षीय आशाराम चौधरीको मृत्यु भएको जिल्ला प्रहरी कार्यालय मोरङले जनाएको छ ।
यस्तै पाँचथरको फिदिम नगरपालिका १ बतासे खोल्सीमा ट्याक्टर आफै अनियन्त्रीत भई दुर्घटना हुँदा सुनसरीको झुम्का ठेगाना भएका २६ बर्षीय सन्तोष लम्जेलको पनि ज्यान गएको १ नं प्रदेश प्रहरी कार्यालय विराटनगरले जानकारी दिएको छ ।
