बक्लौरी । सुनसरीको रामधुनी– ६ बक्लौरीमा १५ शैयाको अस्पताल शिलान्यास भएको छ ।
बकलौरी स्वास्थ्य चौकीलाई स्तरोन्नती गर्दै नगर अस्पताल बनाउँने नगरपालिकाको निर्णयसँगै सोमबार अस्पताल शिलान्यास गरिएको हो ।
सरकारले सोमबार देशभर ३ सय ९६ स्थानीय तहमा आधारभूत अस्पताल शिलान्यास गरेको छ । नेपाल कम्युनिष्ट पार्टी (नेकपा) का नेता एवम् पूर्वमन्त्री भिम आचार्य, पूर्व राज्यमन्त्री रामकुमारी चौधरी, प्रदेशसभा सदस्य जयकुमार राई, नगरप्रमुख जयप्रकाश चौधरी लगायतले संयुक्त रुपमा शिलान्यास गरेका थिए ।
अस्पताल बकलौरीमा नभई ढेडीगाउँमा बनाउनुपर्ने माग राख्दै आएको ‘ढेडीगाउँ नगर अस्पताल बचाउ संघर्ष समिति’ ले कार्यक्रमस्थल बाहिर बिरोधस्वरुप कालो झण्डा देखाउँदै प्रदर्शन गरेको थियो । संघर्ष समितिलाई जनता समाजवादी पार्टी (जसपा) कोसमेत समर्थन रहेको थियो ।
बिरोधमा जसपाका रामधुनी अध्यक्ष रामबहादुर खड्कासमेत सहभागी बनेका थिए । कडा सुरक्षाकाबीच अस्पताल शिलान्यास भएको थियो । विरोध प्रदर्शन गर्नेलाई स्थानीय युवाहरुले ‘बिकास बिरोधी मूर्दावाद’ भन्दै झण्डा खोसेर जलाइदिएका थिए ।
शिलान्यास कार्यक्रममा बोल्दै नगर प्रमुख जय प्रकाश चौधरीले नगर अस्पताल बन्नु पर्ने हाम्रो मान्यता पनि हो, संघर्ष समितिको मागमा सहमतछु तर सम्बन्धित ठाउँ र नाम तोकेर आए त्यस स्थानमा बिकास गर्न हमेसा सहमत छु भन्दै नगरप्रमुखको भनाई रहेको थियो ।
कार्यक्रममा सहभागी नेपाली काग्रेशका प्रतिनिधि उपेन्द्र कटवालले कार्यक्रममा बोल्दै संघर्ष समितिको माग जायज मान्नु पर्छ तर बिकासमा बिरोध नगरी ठाउँमा आएर तर्क गर्दा उपर्युत हुने भन्दै शिलानास कार्यक्रममा भएको बिरोध प्रतिको खेद प्रकट गरेका थिए ।
रामधुनी नगर भनौ या मुलुकको अवस्था बिकासमा गति लिन नसकेको दावि गर्दै जनतालाई जति चिला र चिप्ला कुरा गरेपनि जनताले अब पत्याउने वाला छैनन् भन्दै नेपाली कट्वाले आफनो धारणा ब्यक्त गरेका थिए ।
