काठमाण्डौं । स्वास्थ्य मन्त्रालयले आज सिलान्यास गरेका ३ सय ९६ अस्पताल र सातवटै प्रदेशमा सरुवा रोग अस्पताल भवनमा आवश्यक जनशक्तिका लागि ओएनएम तयार गरेको छ ।
दुई वर्षभित्र निर्माण सम्पन्न हुने कुल ३९६ वटा आधारभूत अस्पताल सञ्चालनका लागि कुल १ लाख १६ हजार ८२५ जना जनशक्ति आवश्यक हुने प्रस्ताव गरिएको छ ।
स्वास्थ्यको प्रस्तावमा ५ शैय्याका आधारभूत अस्पतालमा १ चिकित्सक, ४ नर्ससहित १२ स्वास्थ्यकर्मी व्यवस्था गरिएको छ ।
यस्तै, १० शैय्याको अस्पतालमा २ जना चिकित्सक, ४ जना नर्स र एक जना मिडवाइफसहित कुल १७ जनाको दरबन्दी प्रस्ताव गरिएको छ ।
यसैगरी, १५ शैय्याको अस्पतालका लागि ३ जना चिकित्सक, एक जना नर्सिङ अधिकृत, ५ जना नर्स, २ जना मिडवाइफसहित कुल २७ जनाको दरबन्दी प्रस्ताव गरिएको छ ।
