झापा । परपुरुषसंग लागेको भन्दै झापाको दमकमा बैदेशिक रोजगारीबाट फर्किएका श्रीमानले आफनै श्रीमतीको हत्या गरेका छन ।
कमल गाउँपालिका ६ जीवन चोकस्थित खेतीमा गएका बेला ४७ बर्षिय चुडामणि भण्डारीले ३९ वर्षकी श्रीमती टीकामाया पौडेल भण्डारीललाई खुकुरी प्रहार गरी हत्या गरेको प्रहरीले जनाएको छ ।
खुकुरी प्रहारबाट टीकामायाको घटनास्थलमै ज्यान गएको हो । हत्यामा संलग्न चुडामणीलाइ नियन्त्रणमा लिइएको इलाका प्रहरी कार्यालय दमकका डिएसपी विजयराज पण्डितले बताए ।
खुकुरी प्रहार गर्ने भण्डारी केही महिनाअघि वैदेशिक रोजगारबाट फर्किएको बताइएको छ । टीकामाया सँगै रहेका दमक २ का २५ वर्षीय प्रकाशचन्द्र दाहाललाई पनि खुकुरी प्रहार भएको छ ।
टीकामाया र प्रकाश धान उठाउन गएका थिए । भण्डारीले शंकाका भरमा श्रीमतीको हत्या गरेको प्रहरीले जनाएको छ ।
