इटहरी । विकास निमार्णका क्रममा बिभिन्न निकायबिच समन्वयको अभाव हुँदा विकास निमार्ण नै अस्त ब्यस्त हुने गरेको छ ।
बिराटनगर–धरान छ लेन सडक निर्माणका क्रममा सडक निर्माण परीयोजना र विद्युत प्राधिकण, खानेपानी संस्थान, नेपाल टेलिकम लगाएतको समन्वयको अभावमा आम जनता भने बिभिन्न सेवा सुबिधा बाट बन्चित हुदै उल्टै सास्ती खेप्न बाध्य भएका छन ।
इटहरीमा कहिले बिना जानकारी बिद्युत अबरुद्द हुने गरेको छ भने, बिना जानकारी टेलिफोन र इन्टरनेट बन्द हुदा धेरै क्षेत्र प्रभाबित भएको छ । इटहरी र आसपासका कतिपय क्षेत्रमा नेपाल टेकिकमको टेलिफोन र इन्टरनेट सेवा अबरुद्ध भएको दुइ महिना बितिसक्दा पनि टेलिकमले मर्मतमा कुनै चासो दिएको छैन ।
सरकारी सेवा यस्तै हो भन्दै कर्मचारीहरु पन्छिने गरेका छन् भने, काम हुँदैछ हजुर, बनि हाल्छ भन्न टेलिकमका अधिकारीहरुले छोडेका छैनन् । नेपाल टेलिकमले उच्च गतिको इन्टरनेट चल्ने अप्टिकल फाइबर बिस्तारमा पनि ढिलाइ गरीरहेको छ ।
निजी दुरसंचार कम्पनीले नेपाल टेलिकमको सेवा ढिलो र सुस्त बनाउन टेलिकमका कर्मचारीलाइ घुस दिने गरेको आरोप समेत लाग्ने गरेको छ । कुनै बेला हरीत नगरी भनेर चिनिने इटहरी यतिबेला धुलोको सहरमा परिणत भएको छ ।
बेलैमा सडक निर्माण कार्य सम्पन्न नहँुदा इटहरीले कहिले खानेपानी त कहिले विद्युुतको समस्या भोग्न बाध्य भएको छ । पछिल्लो समय जीवनकै अभिन्न अंग जस्तो बनेको इन्टरनेट सेवा समेत बारम्वार अबरुद्ध हुँदा विकास निमार्णका नाममा दुर्दशा भोग्नु परीरहेको इटहरीका बासिन्दाहरुले गुनासो गरेका छन ।
