विराटनगर । मोरंगको उर्लाबारीबाट लागुऔषध ब्राउन सुगर र गाँजा सहित ९ जना पक्राउ परेका छन् ।
पक्राउ पर्नेमा उर्लाबारीका वर्ष २१ की ममता तामाङ, वर्ष २४ का मिलन याक्सो, वर्ष २८ का आकास लिम्वु, वर्ष १९ का असिम लिम्बु, रतुवामाइका बर्ष २२ का रुमपमान केदेम, वर्ष १९ का एन्जील मगर, वर्ष २५ को मन्जील बस्नेत, झापा दमकका वर्ष १९ का ससिन सेख र वर्ष ३० का सुमन सुनुवार रहेका छन् ।
उर्लाबारीं ७ बस्ने छोमाई तामाङ को घरमा लागुऔषध ब्राउन सुगर र गाँजा विक्री बितरण गरिरहेको सूचनाका आधारमा ईलाका प्रहरी कार्यालय उर्लाबारीबाट खटिएको प्रहरी टोलीले उनिहरुलाई पक्राउ गरेको हो ।
उनीहरुको साथबाट ४ ग्राम ७२७ मिलि ग्राम ब्राउन सुगर, १८४ ग्राम २३० मिलि ग्राम गाजाँ पाँच थान मोटरसाइकल पनि बरामद भएको जिल्ला प्रहरी कार्यालय मोरंका प्रवक्ता डिएसपी मानबहादुर राइले जानकारी दिए । घटनाको संवन्धमा अनुसन्धान भइरहेको उनको भनाई छ ।
