मिक्लाजुङ । पाँचथरको मिक्लाजुङ गाउँपालिका वडा नं ६ मेवाखोलामा आगलागी हुदाँ साढे तीन लाख बराबरको क्षति भएको छ ।
आइतबार बिहानको समयमा स्थानिय धनराज लिम्बूको घरमा विद्युत् सर्ट भई आगलागी हुँदा पूर्णरूपमा घर जलेर नष्ट भएको छ ।
आगलागीबाट घरमा भएको अन्नपात, लत्ताकपडा, पाँच तोला चाँदी, १० हजार नगदसहित घर पूर्णरूपमा जलेर नष्ट हुँदा तीन लाख ५० हजार बराबरको क्षति भएको प्रहरीले जनाएको छ ।
इलाका प्रहरी कार्यालय रविबाट खटिएको प्रहरी टोली र स्थानीयवासीको सक्रियतामा दुई घण्टापछि आगो नियन्त्रणमा आएको थियो ।
