रामधुनी । नेपालीहरुको दोस्रो ठूलो महान चाड तिहारको आज दाश्रो दिन देशभर दीपावलीका साथ लक्ष्मीपुजा गरिँदैछ ।
घरको आँगन, पिँढी, दलान, कोठा गाईको गोबरले लिपेर सफा बनाइ । घरका झ्याल ढोका साथै, गाग्री लोटामा फूलका माला लगाएर सिगार्ने चलन रहेको छ ।
आज साँझ घरको सरसफाई गरी मुलढोकादेखि पूजा कोठासम्म चामलको पिठोबाट लक्ष्मीको प्रतिकात्मक पाइला बनाएर झिलिमिली बत्ती बालेर लक्ष्मीको स्वागत गर्ने गरिन्छ ।
अँध्यारोमा लक्ष्मीको बास नहुने मान्यताअनुसार घरघरमा दीप बालेर लक्ष्मीको पुजा गर्ने गरिन्छ । दीपावलीपछि घरको पूजा कोठामा आफूसँग भएका सुन चाँदीका गरगहना, नगद तथा फलफूल राखेर धनकी देवी लक्ष्मीको धुमधाम पूजाअर्चना गरिन्छ । लक्ष्मी पूजाका दिन घरमा लक्ष्मीको बास भए वर्षभरि आथिर्क संकट नपर्ने जनविश्वास रहिआएको छ ।
लक्ष्मी पूजा सकेपछि घरघरमा आज हर्षोल्लासपूवर्क भैलो खेल्ने परम्परा समेत रहेको छ ।
