हेटौडा । अभिनेत्री नीता ढुंगाना र ज्योतिष तथा अभिनेता हरिहर अधिकारी प्रेममा रहेको चर्चा छ । तर, यो बिषयमा दुबैले केही नबताएपनि उनीहरु गहिरो प्रेममा रहेको वुझिन्छ । हरिहरसँग नजिक भएपछि अभिनेत्री नीता ढुंगानाको मन धर्ममा बढी गएको छ ।
नीताले आफूलाई अहिले धर्ममा बढी नजिक हुन मन लागेको बताएकी पनि छिन् । नीताले बनाउन लागेको वेव सिरिजदेखि उनको निर्माणमा बनेको पहिलो भिडियो पनि धर्मसँग केन्द्रित थियो । उनले आफ्नो प्रोडक्शनमा बनेको पहिलो भिडियो नै गणेश भजन थियो ।
नीताले आफूले बनाउने सिनेमाको कथावस्तु, वेव सिरिज,म्यूजिक भिडियो पनि धर्मसँग जोडेरै बनाउने बताइन् । लकडाउनको समयमा मन धेरै खेल्दा एकाग्र हुन पनि धर्मले साथ दिएको नीताको भनाई छ । पहिले व्रत बसेपनि अहिले जस्तो नजिकबाट धर्मलाई नवुझेको नीता बताउँछिन् ।
