काठमाडौं । अभिनेत्री केकी अधिकारीले नयाँ फिल्म बनाउने तयारी गरेकी छिन् ।
हाल, यो फिल्मका लागि वर्कशप चलिरहेको केकीले भनिन् । केकीका अनुसार यसपटक उनी सामाजिक कथावस्तुमा सिनेमा बनाउँदैछिन् । केकीले निर्माण गर्न लागेको सिनेमाका लागि यसपटक निर्देशक फेरिएका छन् ।
सिनेमा कोहलपुर एक्सप्रेसलाई विशाल भण्डारीले निर्देशन गरेका थिए । यसपटक भने निर्देशक परिवर्तन हुने केकीको भनाई छ । केकीइका अनुसार कथावस्तु गहन भएकाले यसपटक वर्कशप करिब ३ महिनाको हुनेछ ।
केकीले बनाएको पहिलो फिल्म कोहलपुर एक्सप्रेसलाई चोरीको आरोप लागेको थियो । उनी योबाट मुक्त हुने सोचमा यसपटक देखिएकी छिन् ।
