काठमाडौं । फिल्म वडा नम्बर ६ बाट सुरु भएको दिपकराज गिरी, दीपाश्री निरौला र जितु नेपालको सहकार्य अब टुट्ने बाटोमा पुगेको छ ।
दिपकराज गिरी, दीपाश्री निरौला, केदार घिमिरे, जितु नेपाल मिलेर छक्का पन्जाको ३ वटा सिरिज मात्र होइन, ६ एकान ६, वडा नम्बर ६, छक्का पन्जाका ३ सिरिज र छ माया छपक्कै जस्ता फिल्म बजारमा दिए । तर, अब उनीहरु अलग हुने बाटोमा पुगेका छन् ।
जितु नेपालले संचालन गर्दै आएको मुन्द्रेको कमेडी क्लबबाट दीपाश्री निरौला बाहिरिएपछि यो मोड आएको हो । जितु नेपालको चाहनामै दीपाश्री बाहिरिएको भन्ने चर्चा बजारमा चलेको छ । दिपकराज गिरी, दीपाश्री निरौलाले पनि यही वुझेपछि सम्बन्धमा नयाँ मोड आएको हो ।
दिपकराजले जितुको कार्यक्रम नयाँ सेटअपमा आउन सक्छ भने आफूहरुको सिनेमा पनि नयाँ सेटअपमा किन आउन सक्दैन भनेर भनेका छन् । यसले पनि छक्का पन्जा ४ वा छ माया छपक्कै २ मा जितु नहुने पक्का जस्तै छ ।
