ताप्लेजुङ — पूर्व सांसद सञ्चपाल मादेनको घरमा आगलागी भएको छ । फुङलिङ नगरपालिका-९ हाङदेवामा रहेको घरमा आगलागी हुँदा ३९ लाख ६५ हजार मूल्य बराबरको क्षति भएको ताप्लेजुङका प्रहरी प्रमुख प्रहरी नायब उपरीक्षक महेन्द्रकुमार श्रेष्ठले बताए ।
सोमबार दिउँसो घरमा कोही पनि नभएको बेला आगलागी भएको प्रहरीले जनाएको छ । मादेन आमाको घरमा टिका लगाउन गएका समयमा आगलागी भएको र मादेन खाना खाँदै गर्दा छिमेकीले घर जल्दै गरेको खबर गरेको मादेनको भनाइ रहेको छ । हिजोदेखि बिजुली झिपझिप गर्दै थियो त्यसैले आगलागी भएकाे होकी भन्ने आशंका रहेको मानेदनको बताए ।
आगलागीबाट सांसद मादेनको घर पूर्ण रुपमा जलेको छ । आगलागीबाट घरमा सुकाएर राखेको ८ मन अलैंची, एक तोला सुन, १ लाख ५० हजार बराबरको पुस्तक, धान, मकै, कोदो, लत्ताकपडा लगायतका सामग्री जलेको मादेनले बताएका छन् ।
शरीरमा लगाएको कपडा बाहेकको केहीपनि सामग्री नजोगिएपछि फुङलिङ नगरपालिकाले राहत सामग्री पुर्याएको छ । मादेनले भने, पुस्तक र मेडल जस्ता दस्ताबेज जलेकोमा पीडा भएको छ ।
मादेन पहिलो संविधासभामा तत्कालीन माओवादीबाट सांसद बनेका थिए ।
