रामधुनी । स्वास्थ्य तथा जनसंख्या मन्त्रालयका अनुसार हाल देशभर सक्रिय संक्रमितको सक्रिय संक्रमितको संख्या ४४ हजार ८ सय ७७ पुगेको छ । संस्थागत आइसोलेशनमा १३ हजार ३सय ४९ र होम आइसोलेशनमा ३१ हजार ५ सय ३८ जना रहेको मन्त्रालयका प्रवक्ता डा जागेश्वर गौतमले जानकारी दिए ।
उनले पछिल्लो २४ घण्टामा थप ३ हजार ६ सय ३७ जनामा कोरोना संक्रमण पुष्टि भएको जानकारी दिए । यससँगै कोरोना संक्रमितको कुल संख्या १ लाख ४८ हजार ५ सय ९ पुगेको छ ।
यस्तै पछिल्लो २४ घण्टामा थप ३ हजार २ सय १५ जना कोरोना संक्रमण मुक्त भएका छन् भने यससँगै कोरोना निको हुनेको संख्या १ लाख २ हजार ८ सय २० पुगेको छ। हालसम्म कोरोनाबाट मृत्यु हुनेको संख्या ८ सय १२ पुगेको पनि मन्त्रालयले जनाएको छ ।
