सप्तरी । सप्तरीको कंचनपुर गाविसका पूर्व उपाध्यक्ष एवं नेपाली काँग्रेसका महाधिवेशन प्रतिनिधि रामभरोसी गुप्ताको निधन भएको छ ।
कंचनपुर रौनियार समितिका अध्यक्ष समेत रहेका गुप्ताको ६५ वर्षको उमेरमा बिराटनगर स्थित विराट नसिंह होममा उपचारका क्रममा निधन भएको हो । गुप्ता डायभिटिज, मुटु, निमोनिया र किड्नी सम्बन्धि रोगको उपचार गराउँदै आएका थिए ।
गुप्ताले २०३६ सालदेखि नेपाली काँग्रेसमा क्रियाशील भई आफ्नो राजनैतिक यात्रालाई अगाडि बढाएका थिए । नेपाली काँग्रेस सप्तरीले प्रजातन्त्र र लोकतन्त्रको आन्दोलनमा सक्रिय भई काम गरिरहेको अवस्थामा निधनले अपुरणीय क्षती भएको बताएको छ ।
