रामधुनी । बाँकेको राप्तीसोनारी गाउँपालिकामा अपराह्न आज मोटरसाइकल दुर्घटनामा परी एकजनाको मृत्यु भएको छ ।
राप्तीसोनारी-७ थपप्टटलीमा भे ६ प ७२४० नम्बरको मोटरसाइकलले ठक्कर दिँदा स्थानीयवासी ६९ वर्षीया करुवा थारुको मृत्यु भएको जिल्ला प्रहरी कार्यालय बाँकेका प्रवक्ता सुभाष खड्काले जानकारी दिए ।
खड्काका अनुसार राप्तीसोनारी ४, नयाँबस्ती बैजापुरका २६ वर्षीय निमप्रसाद थारुले चलाएको मोटरसाइकलको ठक्करबाट गम्भीर घाइते करुवाको शिक्षण अस्पताल नेपालगञ्जमा उपचारका क्रममा मृत्यु भएको हो ।
मोटरसाइकल चालक थारुलाई नियन्त्रणमा लिई जिल्ला प्रहरी कार्यालयमा थप अनुसन्धान भइरहेको खड्काले बताए ।
