इनरुवा । कोरोना महामारी सुरु भएपछि नेपाल–भारत सीमा नाकामा बाक्लो सुरक्षाकर्मी परिचालन गरी मानवीय गतिविधि बन्द गरेको बेला सीमासँग जोडिएका सुनसरीका सडकहरु तस्करीका लागि प्रयोग हुन थालेका छन् ।
विगत लामो समयदेखि औपचारिक रुपमा तस्करीको लाइन सञ्चालन नभएको दक्षिणी क्षेत्रमा तस्करीजन्य गतिविधि एकाएक बढेको छ । विगत एक महिनायता तस्करी धन्दा बढोत्तरी हुँदै चरम अवस्थामा पुगेको छ ।
नेपालबाट विशेष गरी हरियो र सेतो मटर, कालो मरिच,सुपारी, फेरन लवली, घरेलु जाड रक्सी, मदिरा लगायत ठुलो मात्रामा सुनसरीको भुटाहा बस्मतिया, घुस्की घुरणा, कप्तानगंज फुलकाहा, सिमानाकाबाट तस्करी गरेर भारत लैजाने गरेको छ ।
भारतबाट ठूलो परिमाणमा सुर्ती,लत्ताकपडा विभिन्न किसिमका किराना खाद्यान्न, दशै तिहार नजिकै गर्दा पटका प्याज लसुन आदि नेपालतर्फ दैनिक ५ लाख भन्दा वढीको ल्याउने काममा सीमावर्ति सडक र नाकाहरु प्रयोग भइरहेका छन् ।
सुनसरी जिल्लाको दक्षिणी सिमानाकाबाट दैनिक विगत एक महिनादेखि हजारौं मेट्रिक टन मटर भारततर्फ तस्करी गरेर लगिएको छ ।
सीमा सुरक्षाका लागि खटिएको प्रहरी टोलीले बेला बेला दुई चार बोरा खाद्य मल र अन्य सामान बरामद गरेपनि दैनिक ठुलो मात्रामा मटर , मदिरा भारत जाने गरेको सीमा क्षेत्रका स्थानीयहरुले जानकारी दिएका छन् ।
स्थानीयले प्रहरीसँगकै मिलेमतोमा तस्करी सुरु भएको दावी गरेका छन् । सुनसरीको शिशुवा , नरसिंह, घुस्की कप्तानगंज र लौकही नाका औपचारिक रुपमा तस्करीमा प्रयोग भएको पाइएको छ ।
शिशुवा धर्मपुरसडक खण्डमा नेपाल प्रहरीको प्रहरी चौकी छ भने नजिकै सशस्त्र प्रहरीको सीमा सुरक्षा पोष्ट (बिओपी) अवस्थित छ । तर, तस्करहरुले सुरक्षाकर्मीको पर्वाह नगरी दिनहुँ दजर्नौं गाडीमा मोटर, सुर्ती र लत्ताकपडा लगायतका सामान तस्करी गर्दै आएको स्थलगत रिपोर्टिङका क्रममा पाइएको छ ।
घुस्की ६ का स्थानीयबासी जावेद आलमले विगत एक महिनादेखि नियमितरुपमा तस्करीको लाइन चलिरहेको बताए ।
दिसो साईकल र मोटरसाईकमा ‘साँझ पर्नै हुँदैन ७ बजेदेखि दर्जनौं ट्रयाक्टर , पिकव , अटो लाइन लाग्छन् र ओसार्न थाल्छन्,’ आलमले भने ‘रातभरी ट्रयाक्टरको आवाजले गाउँलेहरु सुत्न सक्दैनन् ।
तस्करहरुको मुख्य केन्द्र भुटाहा, हरिनगरा, घुस्की, देवानगंज र कप्तानगंज बजार रहेको छ । नेपालबाट भारत लाने घरेलु जाडरक्सी, मदिरा,मटर, सुपारी,कालो मरिच, दाल र फेरन लवली यही बजारहरुबाट लिएर भारत लाने गरेको एक व्यापारीले बताए ।
तस्करहरुले भारतबाट ल्याउने सुर्ती,लत्ताकपडा, विभिन्न खाद्यान्न किराना सरसमान र पटका यही बजारमा र तस्करहरुले आ(आफ्नो घरमा भण्डार गरि सुनसरीको इनरुवा ,झुम्का, इटहरी, दुहबी र धरान समेतको शहर बजारमा पुर्याउने गरेका छन् ।
उनीहरु रातिको समयमा मुख्य सडक भुटाहा देखि इनरुवा हुँदै विभिन्न बजारहरुमा तस्करको समान पुर्याउने गरेको समान पुर्याउने एक लेवरले आफ्नो नाम नउलेख गर्न सर्तमा बताएका छन् ।
