रामधुनी । नेपाल एलपी ग्यास उद्योग संघले एलपी ग्यासको धरौटी मूल्य तोकेको छ । ग्यास उद्योग संघका अध्यक्ष गोकुल भण्डारीले धरौटी रकमलाई देशैभर एकरुपता ल्याउने उद्देश्यले प्रतिसिलिण्डर २ हजार १ सय रुपैयाँ मूल्य तोकिएको बताए ।
यो दर उच्च पहाडी र हिमाली क्षेत्र बाहेकका स्थानमा लागू हुने उनले बताए । एकै प्रकारको सिलिण्डरको दर कति हो भन्ने विषयमा एकरुपता ल्याउन पनि प्रतिसिलिण्डर २ हजार १ सय रुपैयाँ तोकीएको उनले बताए ।
व्यापारीले संघले तोकेभन्दा बढी रकम लिएमा गैह्रकानुनी हुने उनले बताए । अहिलेसम्म उपभोक्तासँग भएका सिलिण्डरको हकमा भने आफूले खरिद गरेको पसलबाट अनिवार्य रुपमा बिल लिनुपर्ने अध्यक्ष भण्डारीले बताए ।
