रेबिज विरुद्धमा सबैको समन्वयात्मक भुमिका आवस्यक

इटहरी । आज विश्व रेबिज विरुद्धको दिवसः ‘रेबिज अन्त्यको लागि सहकार्य र खोप’ भन्ने नाराका साथ नेपालमा पनि मनाइँदै छ । रेबिज रोगबाट बच्ने उपायबारे सचेतना फैलाउने उद्देश्यले दिवस मनाउने गरिन्छ ।

रेबिज सङ्क्रमित जनावरले टोक्दा ¥यालबाट मानिसको शरीरभित्र भाइरस प्रवेश गर्ने गर्छ । घरपालुवा कुकुरलाई रेबिज विरुद्धको खोप लगाउन, कुकुर लगायतका जनावरले टोकेमा साबुनपानीले धुन र स्वास्थ्य संस्थामा सम्पर्क गरी रेबिजविरुद्धको खोप लगाउन पशुपंक्षी तथा मत्क्ष विकाश निर्देशनालय प्रदेश १ का निर्देशक लेखराज दाहालले आग्रह गरेका छन् ।

उनले रेविज विरुद्धको लडाइमा खासगरी मानीस, समुदाय, विभिन्न सामाजिक संघसस्था, राज्य सबैको समन्वयात्मक भुमिका रहेको बताए । रेविज मानव सभ्यतासंगै धेरै अगाडिदेखि देखिएको रोग हो । यसको विरुद्धमा निर्देशनालयले बर्षेनी अभियान चलाएको बताए ।

रेबिज विरुद्धको खोप विकास गरेका फ्रान्सेली रसायनशास्त्री लुइस पास्चरको निधन भएको दिनको सम्झनामा हरेक वर्ष सेप्टेम्बर २८ मा यो दिवस मनाउने गरिन्छ । उनले रेविज विरुद्धको खोप पत्ता लगाएर धेरै जनाको ज्यान जोगाउन उनले गरेको अध्ययन, मिहिनेतकालागि उनको सम्झना गर्ने गरिन्छ ।