इटहरी । प्रदेश १ मा आज ८५ जना कोरोना संक्रमित थपिएका छन् । मोरङमा ४१, सुनसरीमा २५, झापामा १२, ताप्लेजुङमा १ र प्रदेश १ बाहिरका ६ जना संक्रमित थपिएको सामाजिक विकास मन्त्रालयले जनाएको छ ।
मन्त्रालयका अनुसार मोरङको विराटनगरमा ८ महिला १६ पुरुष, बुढीगंगामा ५, बेलबारी र धनपालथानमा ३–३, मिक्लाजुङ, सुन्दरहरैंचा, उर्लाबारी, जहदा, कानेपोखरीमा १–१ पुरुष र रंगेलीमा १ महिलामा संक्रमण पुष्टि भएको हो ।
यसैगरी सुनसरीको इटहरीमा २ महिला १३ पुरुष, दुहवीमा २ महिला २ पुरुष, इनरुवामा १ महिला २ पुरुष, बर्जुमा १ महिला १ पुरुष, धरानमा १ महिलामा संक्रमण पुष्टि भएको छ ।
झापाको भद्रपुरमा १ महिला ९ पुरुष, बिर्तामोड र दमकमा १–१ महिला, ताप्लेजुङको फङलिङमा १ पुरुष र प्रदेश १ बाहिरका १ महिला ५ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ । योसँगै प्रदेश १ मा कोरोना संक्रमितको संख्या ६ हजार १४९ पुगेको छ । प्रदेश १ मा आज ३८ जना डिस्चार्ज भएका छन् ।
मुलुकभर भने आज कोरोनाका १३ सय १३ जना संक्रमित थपिएका छन् । १२ हजार भन्दा धेरैको परिक्षण गर्दा सो संख्यामा भाइरस देखिएको हो । यो संगै नेपालमा कोरोना संक्रमितको संख्या ७० हजार ६ सय १४ पुगेको छ । यसैगरी आज थप ६ जनाले ज्यान गुमाउदा ज्यान गुमाउनेको कुल संख्या ४ सय ५९ पुगेको छ ।
यसैगरी आज थप १४ सय ५५ जना डिस्चार्ज भएका छन् र निको हुनेको संख्या ५१ हजार ८६६ पुगेको छ । हाल सक्रिय संक्रमितको संख्या १८ हजार २८९ छ ।
