रामधुनी । मुलुकभर आज थप ९ सय ७९ जनामा कोरोना भाइरसको संक्रमण देखिएको छ ।
२४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
यो सहित नेपालमा कोरोना संक्रमित हुने को संख्या ४७ हजार २६६ पुगेको छ । पछिल्लो २४ घन्टामा थप १७३६ जना कोरोना संक्रमणमुक्त भएका छन ।
योसहित नेपालमा हालसम्म ३० हजार ६७७ उपचारपछि निको भएका छन् । नेपालमा हालसम्म कोरोना संक्रमितमध्ये ३०० जनाको मृत्यु भएको छ ।
पछिल्लो २४ घन्टामा थप ११ जना संक्रमितले ज्यान गुमाएका छन् ।
