ताप्लेजुङ । ताप्लेजुङको सिरिजंघा गाउँपालिका तेल्लोकमा लघुजल विद्युत पावर हाउस सहित पहिरोले बगाउदा २ जनाको ज्यान गएको छ । अविरल परेको पानीले नागदेवा लघु जलविद्युत आयोजनाको पावरहाउस सहित बगाउदा २ जनाको मृत्यु भएको हो ।
पावरहाउसमा काम गर्ने कर्मचारी ३० बर्षका राजु लिम्बु र उनका साथी ५५ बर्षका विष्णुदास थेवेको ज्यान गएको जिल्ला प्रहरी प्रमुख डिएस्पी महेन्द्र श्रेष्ठले जानकारी दिए । विहान स्थानीय तथा ईलाका प्रहरी कार्यालयका प्रहरी सहितको टोली घटना स्थलमा पुगेको थियो ।
यसैगरी ताप्लेजुङमै माछा मार्ने क्रममा खोलाले बगाएर एकको ज्यान गएको छ भने, एकजना बेपत्ता भएका छन् । प्रहरीका अनुसार सिदिङ्वा गाउँपालिका–७ सुरुम्खिम र सिरिजङ्घा गाउँपालिका–७ खेबाङको सिमाना भई बग्ने तावाखोलाले बगाएर एक युवकको मृत्यु र अर्का युवक बेपत्ता भएका हुन् ।
प्रहरी प्रमुख श्रेष्ठका अनुसार तावाखोलाले बगाएर मृत्यु हुनेमा सिदिङ्वा गाउँपालिका–७ सुरुम्खिमका ३२ वर्षीय सूर्यमान लिम्बू रहेका छन् । बेपत्ताको पनि प्रहरी चौकी खेबाङको टोली र स्थानीयले खोजी गरिरहेका छन् ।
