सुनसरी । सुनसरीमा कोरोना संक्रमितको संख्या दिनप्रतिदिन बढ्दै गएपछि आइसोलेसन बेडको संख्या पनि बढाइएको छ । हाल सुनसरीका विभिन्न ठाउँमा गरि ५ सय बेडको आइसोलेसन तयार भएको प्रमुख जिल्ला अधिकारी फणिन्द्र मणि पोखरेलले जानकारी दिए ।
उनका अनुसार बराहक्षेत्रको चतारा कृष्णजी महाराज आश्रममा रहेको होल्डिङ सेन्टरलाई एक सय बेडको आइसोलेसनामा रुपान्तरण गरिएको छ र आवश्यता हेरेर थप विस्तार गरिने भएको छ ।
त्यस्तै भुटाहा अस्पतालमा ५० बेड, इटहरीमा रहेको रंगशालामा एक सय बेड, दुहवीको अरुण वनस्पती उद्योगमा ५० बेड र दुहवी ३ मा रहेको राष्ट्रिय वार्णीज्य वैँकको भवनमा एक सय बेडको आइसोलेन तयार परिएको छ । इनरुवाको नयाँ वसपार्कमा २५ बेड र धरानको हरीयाली समुदायीक वनमा २५ बेडकोे आइसोलेसन तयार गरिएको पोखरेलले जानकारी दिए ।
सुनसरीमा कोरोना संक्रमण पुष्टि भएका प्राय सबै लक्षण विनाका रहेका छन् । यदि लक्षण देखिएमा उनिहरुलाई वि.पि कोइराला स्वास्थ्य विज्ञान प्रतिष्ठान धरान र कोशी अञ्चल अस्पताल विराटनगर लगिने प्रमुख जिल्ला अधिकारी पोखरेलले जानकारी दिए ।
