इटहरी । कोरोना संक्रमणका कारण पछिल्लो समयमा थप ८ जनाले ज्यान गुमाएका छन् । स्वास्थ्य मन्त्रालयको हिजोको पे्रस व्रिफिङ पछि सो संख्यामा कोरोनाका कारण ज्यान गुमाएका हुन् । ज्यान गुमाउनेमा सिरहाको भदैया ६ घर भएका ८४ वर्षीय पुरुष रहेका छन् ।
धरानको वीपी कोइराला स्वास्थ्य विज्ञान प्रतिष्ठनमा उपचार गराइरहेका उनमा खोकी, ज्वरो र श्वासप्रश्वासमा समस्या थियो । यसैगरी विरगञ्जमा थप तीन जनाको कोरोना संक्रमणबाट ज्यान गएको छ । वीरगञ्ज–१२ बस्ने ४३ वर्षीय र वीरगञ्ज–२६ मनियारीका ३७ वर्षीय पुरुष र वीरगञ्ज–१२ मुर्ली की ६५ वर्षीया महिलाको ज्यान गएको हो ।
एचआईभी र हेपाटाइटिस बीले ग्रसित ४३ वर्षीय पुरुषको नेशनल मेडिकल कलेजमा उपचार भइरहेको थियो । कोरोना संक्रमण पुष्टि भएपछि शुक्रबार मात्रै उनलाई वीरगञ्ज कोभिड अस्पताल हेल्थ केयरमा ल्याइएको थियो । अर्का ३७ वर्षीय युवकको स्वास्थ्यमा समस्या आएपछि केही दिनदेखि तराई अस्पतालमा उपचार भइरहेको थियो ।
हिजो दिउँसो कोभिड अस्पताल वीरगञ्ज हेल्थ केयरमा भर्ना गरिएको थियो । भने, नारायणी अस्पतालमा भर्ना भएकी महिलामा न्यून रक्तचापका साथमा झाडापखला पनि लागेको थियो ।
उता ललितपुरको पाटन अस्पतालमा उपचाररत दुई जना कोरोना संक्रमितको ज्यान गएको छ । भक्तपुरकी ६२ वर्षीया महिलाको आज विहान र काठमाडौंकी ५१ वर्षीया महिलाको गएराति मृत्यु भएको स्वास्थ्य कार्यालय ललितपुरले जनाएको छ ।
यसैगरी चितवनको चितवन मेडिकल कलेजमा पनि कोरोना संक्रमित एक जना महिलाको ज्यान गएको छ । हेटौंडा उपमहानगरपालिका–५ की ४९ वर्षीया महिलाको आज विहान ज्यान गएको हो भने, पोखरा स्वास्थ्य विज्ञान प्रतिष्ठानका अनुसार पोखरा महानगर वडा नम्बर १४ का ५८ बर्षिय पुरुषको उपचारको क्रममा ज्यान गएको छ ।
उता पाल्पाका एक महिलाको कोरोनाका कारण ज्यान गएको छ । नेपालमा कोरोनाको मृत्युदर ह्वात्तै बढेको छ । कोरोनाबाट हिजै मात्र १२ जनाको ज्यान गुमेको थियो । कोरोनाबाट दैनिक मर्नेको सो संख्या सङ्ख्या अहिले सम्मकै धेरै हो । सोे तथ्याङ्क हेर्ने हो भने प्रत्येक दुई घण्टामा नेपालमा एक कोरोना सङ्क्रमितको मृत्यु भइरहेको छ ।
