सुर्खेत । सुर्खेतका ६ जना चिकित्सकमा कोरोना पुष्टि भएको छ ।
प्रदेश अस्पतालमा कार्यरत ६ जना चिकित्सकमा कोरोना पुष्टि भएसँगै एक हप्ताका लागि ओपीडी सेवा बन्द भएको छ ।
एक हप्तापछि अवस्था हेरेर अर्को निर्णय गर्ने अस्पतालका निर्देशक डा. डम्बर खड्काले बताए । यसअघि अस्पतालका तीन जना चिकित्सकमा कोरोना सङ्क्रमण पुष्टि भएको थियो ।
अस्पतालका अनुसार सङ्क्रमण देखिएकामा दुई जना कन्सल्ट्यान्ट र ४ जना मेडिकल अधिकृत रहेका छन् । थप एक स्वास्थ्यकर्मीमा पनि सङ्क्रमण पुष्टि भएको छ ।
