बराहक्षेत्र । सुनसरीको बराहक्षेत्रमा एक युवक मृत अवस्थामा फेला परेका छन् ।
सोमबार मर्निंग वार्कमा निस्केका युवाहरुको समुहले पटनाली पुलमा को ३६ प ४०२३ नम्बरको स्कुटर देखिपछि पुलमुनी हेर्दा एक युवक मृत अवस्थामा फेला पारेका हुन् ।
नडाहादेखि करिब ५ किलोमिटर उत्तरमा रहेको पटनाली पुलमुनी युवाहरुले मृत अवस्थामा युवकलाई देखेपछि प्रहरीलाई खबर गरेका थिए ।
मंगोलियन वर्णको देखिने करिब ३५ बर्षिय युवकको शरीरमा कुनैपनि चोटपटक नलागेको इलाका प्रहरी कार्यालय महेन्द्रनगरका प्रहरी प्रमुख पाण्डप राजवंशीले बताए ।
घटनाको विषयमा थप अनुसन्धान भइरहेको र शव पोस्टमार्टमका लागि धरानस्थित बिपि कोइराला विज्ञान प्रतिष्ठान पठाइएको राजवंशीले जानकारी दिए ।
