एजेन्सी । बायर्न म्युनिखले च्याम्पियन्स लिग फुटबलको उपाधि उचालेको छ । पेरिस सेन्ट जर्मेन (पीएसजी) लाई १–० गोल अन्तरले पराजित गर्दै बायर्न च्याम्पियन बनेको हो ।
पोर्चुगलको लिस्बनमा भएको खेलमा बायर्नलाई उपाधि दिलाउन किङ्गस्ले कोमानले निर्णायक गोल गरे । पहिलो हाफ गोलरहित बराबरीमा सकिएको खेलको ५९ औं मिनेटमा कोमानले निर्णायक गोल गरेका थिए ।
यस सँगै बायर्नले छैटौं पटक पटक च्याम्पियन्स लिगको उपाधि जित्न सफल भएको छ । यस अघि बायर्नले १९७४, १९७५, १९७६, २००१ र २००१३ मा उपाधि जितेको थियो ।
यता, पीएसजी भने पहिलो पटक फाइनल पुगेर पनि च्याम्पियन्स लिगको उपाधि जित्न असफल भएको छ ।
तस्विर क्रेडिटः समन्धित क्लवका फेसवुक पेज
