सुनसरीमा कोरोनाबाट निको हुनेको संख्या उच्च, निषेधित क्षेत्रको समय बढ्यो

रामधुनी । सुनसरीमा कोरोना संक्रमित मध्ये निको हुनेको संख्या उच्च रहेको छ । सुनसरीको कुल संक्रमित संख्या मध्ये ४ सय ३३ मध्ये अहिले सम्म १ सय ९० जना निको भएका छन् ।

सुनसरीमा अहिले सम्म १६ हजार ८ सय ६६ जनाको पीसीआर विधिबाट परीक्षण गरिएको छ । जसमध्येबाट ४ सय ३३ जनामा कोरोना संक्रमण पुष्टि भएका मध्ये १ सय ९० जना कोरोनाका बिरामी निको भएर घर फर्किएका छन् । २ जनाले कोरोना भाइरसका कारण ज्यान गुमाएका छन् । उनीहरु दुवैजना धरानको रहेको स्वास्थ्य कार्यालयले जनाएको छ ।

सुनसरीमा सबैभन्दा बढी संक्रमितको संख्या धरानमा रहेको छ । जहाँ संक्रमितको संख्या १ सय १४ पुगेको छ । त्यसैगरी इटहरीमा ७९ बराहक्षेत्रमा १२, इनरुवामा १५, दुहवीमा ६० जनामा संक्रमण देखिएको छ । रामधुनीमा संक्रमितको संख्या २५ पुगेको छ ।

कोशी गाउँपालिकामा २९, हरिनगरमा ३४, भोक्राहा नरसिंहमा २०, देवानगञ्जमा १५ जना, गढीमा ११ जना र बर्जुका १९ जनामा कोरोना संक्रमण पुष्टि भएको स्वास्थ्य कार्यालयका प्रमुख सागर प्रसाईले जानकारी दिए । यसैगरी सुनसरीमा निषेधित क्षेत्रको अवधि थप गरिएको छ । जिल्ला प्रशासन कार्यालय सुनसरीले जनाए अनुसार अब भदौ १४ गते राती सम्म निषेधित क्षेत्र कायम रहने छ ।

सुनसरी प्रशासनले तेस्रो पटक आज निषेधित क्षेत्रको अवधि बढाउने निर्णय गरेको हो । जिल्लामा कोरोना भाइरसको जोखिम बढ्दो क्रममा रहेकाले सावधानी र सर्तकता बढाउन निषेधित क्षेत्रको अवधि थप गरिएको प्रमुख जिल्ला अधिकारी फणिन्द्रमणि पोखरेले जानकारी दिए ।

By फलैचा न्यूज

फलैचा न्युज डटकम सुनसरीकाे रामधुनी नगरपालिका बाट संचालित अनलाइन पत्रिका हाे ।

Leave a Reply

Your email address will not be published. Required fields are marked *

Related Posts

No widgets found. Go to Widget page and add the widget in Offcanvas Sidebar Widget Area.